Cyngor y Dref

Ar y Cyngor mae 17 o Gynghorwyr, y mae pob un wedi ei ethol am dymor o wasanaeth o ddim mwy na phedair blynedd.

Cynhelir cyfarfodydd y Cyngor yn siambr y cyngor yn Nhŷ Picton ddwywaith y mis, y dydd Mawrth cyntaf a’r dydd trydydd dydd Mercher am 7.00pm. Nid ydynt yn cyfarfod ym mis Awst ac unwaith yn unig ym mis Rhagfyr. Mae’r cyfarfodydd hyn yn agored i’r cyhoedd oni bai fod materion personol neu gyfrinachol yn cael eu trafod.

Mae’r cyngor wedi ymdrechu’n ddi-baid a bydd yn parhau i ymdrechu i wella’r dref ar gyfer ei thrigolion ac ar gyfer y bobl sy’n ymweld â hi.

Oriau Agor Swyddfa Cyngor y Dref

8:45 am tan 5:15 pm Dydd Llun i Ddydd Iau

8:45 am tan 4:45 pm Dydd Gwener

Clerc y Dref/Swyddog Cyllid

Mrs Jane Clark

Picton House
2 Picton Place
Hwlffordd
Sir Benfro
SA61 2LU

Rhif Ffôn: 01437 763771
Rhif Ffacs: 01437 764682

E-Bost: jane.clark@haverfordwest-town-council.co.uk

Calendr Llawn o Gyfarfodydd y Cyngor

Dydd Mercher 22 Mehefin 2011
Dydd Mercher 20 Gorffennaf 2011
Dydd Mercher 21 Medi 2011
Dydd Mercher 19 Hydref 2011
Dydd Mercher 16 Tachwedd 2011
Dydd Mercher 14 Rhagfyr 2011
Dydd Mercher 18 Ionawr 2011
Dydd Mercher 15 Chwefror 2012
Dydd Mercher 21 Mawrth 2012
Dydd Mercher 18 Ebrill 2011
Dydd Mawrth 15 Mai 2012

Cyfarfod Blynyddol a Faer yn Gwneudd ddefod

Dydd Iau 24 Mai 2012

Mae’r praesept y mae pobl Hwlffordd yn ei dalu yn talu am amrywiaeth o wasanaethau y mae Cyngor y Dref yn eu darparu.

Mae'r rhain yn cynnwys:

Cynnal a chadw’r tir a’r eiddo sy’n perthyn i gymuned Hwlffordd yn unig.

Gorsedd Stones Mae pobl y dref yn gallu bod yn falch eu bod yn cyfrannu at y ffaith bod y tir canlynol yn parhau i fod ym meddiant Hwlffordd ac nad yw’r trigolion wedi colli’r cyfleusterau hamdden hyn. Gyda chymorth eraill, mae’r rhain yn cael eu cynnal a’u cadw a’u gweinyddu i safon uchel:

Y Cae Ras - 87 acer o dir comin, sy’n cynnwys pum cae peldroed, tair llain griced a llawer o aceri o dir agored i’w fwynhau gan bobl a bywyd gwyllt.
Dôl y Bont -13.2 o aceri o dir ar bwys canol y dref sy’n cynnwys parc chwarae i’r plant (gwerth mwy na £200,000) ac un o’r canolfannau peldroed gorau yng Nghymru.
Canolfan Picton – Canolfan Gymunedol gyda digonedd o le ynddo sy’n cynnig cyfleusterau i bobl o bob oed a diddordeb am brisiau nad ydynt yn rhwystr.
Pafiliwn Chwaraeon – ar ymyl y Cae Râs. Mae cricedwyr a pheldroedwyr o bob oed, yn ferched a dynion, yn defnyddio llawer iawn ar y cyfleusterau hyn.
Mynwentydd Martin Sant a Phrendergast. Mae’r Cyngor yn cynnal a chadw’r rhain i safon uchel iawn.

Hyrwyddo’r dref yn lle i’w fwynhau gan y trigolion ac ymwelwyr fel ei gilydd.

Town Museum Hwlffordd yw’r Dref Sirol. Mae’r diwydiant gwyliau yn cyfrannu’n sylweddol iawn i ffyniant y dref ac yn hyn o beth mae’r Cyngor yn fwy nag ymwybodol bod angen cyflwyno delwedd i ymwelwyr a fydd yn eu hannog i fwynhau eu hunain a chreu awydd ynddynt i ddod yn ôl.

Cynnal safon uchel wrth dorri’r borfa yn y dref a’r mannau a welir wrth ddod i mewn iddi gyda’r bwriad o greu darlun ym meddwl ein hymwelwyr o dref falch sy’n cadw ei hun yn hynod o gymeradwy a gweddus.
Addurno’r prif strydoedd yn yr haf.
Darparu goleuadau Nadolig er mwyn codi ysbryd pobl y dref ac ymwelwyr. Mae gwneud hyn yn costio mwy na £10,000 y flwyddyn.
Chwarae rhan bwysig iawn yn natblygiad Amgueddfa lwyddiannus i’r Dref. I’r diben hwn mae mwy na £40,000 wedi ei roi ac mae Cyngor y Dref yn gofalu am gostau cynnal blynyddol Tŷ’r Castell.
Helpu i gadw pwll nofio o’r radd flaenaf yn y dref. Rhoddwyd £20,000 yn y blynyddoedd diweddar.
Helpu i ddarparu mannau chwarae ar gyfer plant ifanc iawn. Mae mwy na £25,000 wedi ei roi tuag at offer sydd wedi eu gosod yma ac acw yn y dref.

Cymorth a roddwyd i sefydliadau’r dref.

Mae Cyngor y Dref wedi gallu gwneud cyfraniadau sylweddol iawn i ddatblygu prosiectau a weithredwyd gan: -

Eglwysi’r Santes Fair, Sant Thomas, Dewi Sant a Martin Sant.
Bethesda, Y Tabernacl ac Ebeneser.
Y Clwb Peldroed, y Clwb Criced, y Clwb Rygbi, y Clwb Bowlio, y Clwb Tennis a’r Clwb Golff.
Mae nifer dda o elusennau sy’n ychwanegu at les ein tref wedi elwa ar gymorth, sef Ymchwil i’r Arennau, Ymchwil Cancr, Apêl Calon Cymru, Cyfeillion y Gymuned, Sefydliad Paul Sartori a’r Parlys Ymledol.

Hyrwyddo bywyd diwylliannol y dref.

Rhoddir grantiau blynyddol i Gôr Merched Hwlffordd, Dawnswyr Glancleddau a Chôr Meibion Hwlffordd. Pan yw’r sefydliadau rhagorol hyn yn ymgymryd â phrosiectau arbennig, yn aml iawn mae rhagor o gymorth ariannol yn gallu bod yn anogaeth iddynt.

Rhoddir cymorth i’n hysgolion er mwyn meithrin cysylltiadau gyda’r ysgolion yn ein gefeilldref Oberkirch .

Hyrwyddo ieuenctid y dref.

Playground Mae’r sawl dull a modd y mae’r dref yn defnyddio ei threthi i hyrwyddo datblygiad ein plant ifanc wedi cael sylw eisoes yn y ddogfen hon, un ai’n uniongyrchol neu’n anuniongyrchol.

Rhoddir cymorth i’r rhai arbennig o ddawnus yn ein plith sy’n cynrychioli’r dref yn genedlaethol a rhyngwladol.

Rhoddir cymorth gyda gwyliau mawr eu hangen i rai y mae ganddynt anableddau.

Un fenter efallai y gall ein trethdalwyr fod yn falch tu hwnt ohoni yw’r cyfle a roddwyd i o leiaf ddwsin o’n pobl ifanc fynd i gymryd rhan mewn profiad a ddaw unwaith mewn oes i feithrin cymeriad trwy hwylio’r cefnfor ar longau hyfforddi fel y Malcolm Miller a’r Winston Churchill.

CYNGOR Y DREF YN GWEITHREDU FEL GRŴP FFOCWS O BWYS

Mae’n bosibl mai swyddogaeth bwysicaf sydd gan Gyngor Tref yw bod yn grŵp ffocws sy’n fodd i unigolion a’r gymuned fynegi eu pryderon a’u huchelgeisiau.

Gallai sefydliadau fel Cyngor Sir Penfro, yr Awdurdod Iechyd, Heddlu Dyfed Powys a Dŵr Cymru fynd yn hunanfodlon neu gael eu darbwyllo i ganolbwyntio eu hymdrechion da mewn cyfeiriadau eraill, pe na byddai unrhyw fath o grŵp ffocws o gwbl. Mae pryderon mân neu rai o bwys yn gallu codi, fel troseddu, dirywiad masnach, materion cynllunio a diogelwch y ffyrdd.

Mae’n iawn fod cymunedau yn gofalu bod yr awdurdodau sy’n gwneud y penderfyniadau yn dod i wybod am eu pryderon. Fodd bynnag, mae’n bwysig bod y gymuned yn gweithredu mewn modd cadarnhaol yn hyn o beth. Nid yn unig y mae’n rhaid iddi fynegi’r broblem ond dylai hefyd geisio cyflwyno ateb iddi ac ambell waith gwneud cyfraniad cadarnhaol i’r ateb hwnnw.

Dyna’r modd y mae Cyngor Tref Hwlffordd yn gweithredu. Un enghraifft o hyn yw’r £4,000 a roddwyd tuag at deledu cylch cyfyng i geisio gwneud canol y dref yn fwy diogel.

CANOLFAN GYMUNEDOL PICTON, RHODFA’R RHYDDFREINWYR,

Mae’r cyfleuster hwn a reolir gan Gyngor Tref Hwlffordd yn cael ei ddefnyddio llawer nid yn unig gan sefydliadau a grwpiau lleol ond hefyd gan bobl sy’n trefnu digwyddiadau a dosbarthiadau o bob rhan o Orllewin Cymru. Mae yng nghanol y dref ac mae ganddo gyfleusterau parcio preifat digonol.

Mae’r Ganolfan yn ganolfan fodern wedi ei hadeiladu’n bwrpasol gyda neuadd fawr, y gellir ei rhannu, cegin gyda’r holl offer a rhan lle mae bar a rhan fawr gyda llwyfan. Mae yno gyntedd mawr hefyd ac ystafell gotiau. Mae gan y ganolfan leoedd parcio, mynedfa addas a thoiledau ar gyfer pobl ag anableddau.

Mae gan y ganolfan drwydded adloniant cyhoeddus a lle i eistedd ar gyfer 180 o bobl gydag yswiriant atebolrwydd cyhoeddus digonol.

Mae’r ganolfan ar gael saith niwrnod yr wythnos ar gyfer cyfarfodydd & digwyddiadau.

Cysylltwch â Chyngor Tref Hwlffordd ar 01437 763771 neu e-bostio jane.clark@haverfordwest-town-council.co.uk